సీ ప్లేన్ ట్రయల్ రన్ విజయవంతం... శ్రీశైలంలో ల్యాండింగ్

ఏపీలో వాటర్ టూరిజంను ప్రోత్సహించేందుకు కూటమి ప్రభుత్వం కృత నిశ్చయంతో ఉంది. ఈ క్రమంలో, నేడు సీ ప్లేన్ ట్రయల్ రన్ ను విజయవంతంగా నిర్వహించారు. 

విజయవాడ ప్రకాశం బ్యారేజి నుంచి టేకాఫ్ తీసుకున్న ఈ సీ ప్లేన్ విజయవంతంగా శ్రీశైలం వద్ద కృష్ణా జలాల్లో ల్యాండయింది. అక్కడ్నించి నీటిపైనే ప్రయాణిస్తూ శ్రీశైలంలోని బోటింగ్ జెట్టీ వద్దకు చేరుకుంది. టూరిజం, ఎయిర్ ఫోర్స్, ఏపీ పోలీస్, ఎస్టీఆర్ఎఫ్ అధికారులు ఈ ట్రయల్ రన్ ను పర్యవేక్షించారు. 

నేటి ట్రయల్ రన్ విజయవంతమైన నేపథ్యంలో, ముఖ్యమంత్రి చంద్రబాబు రేపు (నవంబరు 9) సీ ప్లేన్ ను విజయవాడ పున్నమి ఘాట్ నుంచి ప్రారంభించనున్నారు.